Бізнес-лэдзі:

• Асабісты поспех і ўнёсак у развіццё кампаніі: дасягненні кандыдаткі ў сферы прадпрымальніцтва і яго роля ў развіцці кампаніі, у тым ліку фінансавыя паказчыкі, стратэгічныя ініцыятывы і актыўны ўдзел у кіраванні бізнэсам.
  
• Лідарства і натхненне: лідарскія якасці кандыдаткі, яе здольнасць натхняць і матываваць каманду, прымаць рашэнні і рэалізоўваць стратэгіі развіцця.
  
• Сацыяльная адказнасць і ўплыў на грамадства: удзел кандыдаткі ў сацыяльных і дабрачынных праектах, яе ўнёсак у развіццё мясцовай супольнасці і здольнасць аказваць станоўчы ўплыў на грамадскія працэсы.
  
• Прафесійная рэпутацыя і прызнанне: рэпутацыя кандыдаткі ў міжнароднай дзелавой супольнасці, яе прызнанні і ўзнагароды, а таксама ступень прызнання яе дзейнасці ў якасці паспяховай прадпрымальніцы і лідаркі.
  
• Інавацыйны падыход і адаптацыя да змен: здольнасць кандыдаткі да распрацоўкі і рэалізацыі інавацыйных стратэгій, ідэй. Яе гнуткасць і адаптацыя да зменлівых умоў рынка і новых тэндэнцыяў у бізнесе.
  
• Карпаратыўная культура і асабістыя стандарты: этычныя прынцыпы і каштоўнасці кандыдаткі, яе здольнасць ствараць спрыяльную працоўную атмасферу, высокія камунікатыўныя стандарты і падтрымліваць прафесійнае і асабістае развіццё супрацоўнікаў (пры іх наяўнасці).

Арт-бізнес:

• Інтэграцыя мастацтва: адзнака ступені, у якой бізнес паспяхова інтэгруе мастацтва і творчасць у розныя сферы, галіны жыцця свайго спажыўца, сваёй мэтавай аўдыторыі.
  
• Творчы падыход і арыгінальнасць: адзнака наяўнасці ва ўдзельніка арыгінальных ідэй і падыходаў да выкарыстання мастацтва і творчасці ў бізнесе, якія спрыяюць падкрэсліць яго ўнікальнасць на фоне канкурэнтаў.
  
• Міжнародная дзейнасць: адзнака поспеху ўдзельніка ў ажыццяўленні бізнесу на рынках розных краінаў.
  
• Сацыяльная адказнасць: адзнака ўнёску ўдзельніка ў сацыяльныя і культурніцкія ініцыятывы, падтрымку сацыяльных і культурніцкіх праектаў.
  
• Прафесіяналізм і якасць: адзнака ўзроўня тавараў і паслуг, якія прадстаўляюцца ўдзельнікам, а таксама прафесійнай рэпутацыі і аўтарытэту на рынку.

Эка-бізнес:

• Экалагічная адказнасць: ацэньваецца ступень, у якой бізнес мінімізуе сваё негатыўнае ўздзеянне на навакольнае асяроддзе за кошт ужывання адпаведных практык адносна выкарыстання рэсурсаў, скарачэння выкідаў, а таксама выкарыстання ўзнаўляльных крыніц энергіі.
  
• Інавацыі: укараненне і распрацоўка новых экалагічных тэхналогій ці паляпшэнне існых практык, якія спрыяюць паляпшэнню навакольнага асяроддзя.
  
• Унёсак у супольнасці: уплыў бізнесу на мясцовыя і глабальныя эка-супольнасці, у тым ліку адукацыйныя праекты, сацыяльныя ініцыятывы і на ўдзел грамадскасці ў дзейнасці, накіраванай на абарону і паляпшэнне навакольнага асяроддзя.
  
• Эканамічная эфектыўнасць: здольнасць кампаніі падтрымліваць эканамічную ўстойлівасць пры рэалізацыі экалагічнай адказнасці.
• Кіраванне рэсурсамі і адходамі: эфектыўнасць сістэм кіравання рэсурсамі і адходамі, у тым ліку меры па перапрацоўцы, утылізацыі і паўторнаму выкарыстанню матэрыялаў.
  
• Прасоўванне экалагічнай культуры: мерапрыемствы па асвеце і ўцягванню персанала і мэтавай аўдыторыі ў пытанні экалогіі, а таксама ва ўдзел у грамадскіх ініцыятывах па ахове навакольнага асяроддзя.
  
• Супраца і партнёрства: супраца з іншымі кампаніямі, арганізацыямі і дзяржаўнымі ўстановамі ў рашэнні экалагічных праблемаў і дасягненні агульных мэтаў па ахове навакольнага асяроддзя.
  
• Экалагічная дакументацыя і сертыфікацыя: наяўнасць адпаведных сертыфікатаў, ліцэнзій і іншай дакументацыі, якая пацвярджае выкананне і дасягненне вызначаных стандартаў, патрабаванняў у вобласці аховы навакольнага асяроддзя.