IV Free Belarus Business Award
Прыём заявак на конкурс да 18.08.2024 (23:59 CET)
Ганарымся быць беларускім бізнесам
Асацыяцыя беларускага бізнесу за мяжой пры падтрымцы Еўрапейскага Звязу ў чацвёрты раз ладзіць прэмію для беларускіх бізнесоўцаў Free Belarus Business Award.
Гэта ўзнагарода для тых прадстаўнікоў бізнесу Вольнай Беларусі за мяжой, якія дэманструюць устойлівасць і здольнасць развівацца ў няпростых умовах. Мы ладзім гэты конкурс, каб падтрымаць бізнесы з беларускімі каранямі за мяжой, якія ўмацоўваюць свае пазіцыі на замежным рынку і шукаюць уласныя магчымасці ў рынкавых нішах.
Мэтай ўзнагароды ёсць адзначэнне дасягненняў новага бізнесу Вольнай Беларусі за мяжой, а таксама заахвочванне людзей, якія знаходзяць сілы і спосабы адаптавацца і весці свой бізнес па-за межамі краіны, ствараючы спрыяльныя ўмовы працы для сваіх супрацоўнікаў.
Што вы атрымаеце ад удзелу ў прэміі?
Магчымасць выйграць грашовы прыз – агульны прызавы фонд конкурсу 25 000 еўра.
Хто можа ўдзельнічаць?
Арганізацыі, якія ажыццяўляюць камерцыйную і некамерцыйную дзейнасць, зарэгістраваныя ў Еўразвязе не раней за жнівень 2020 года і маюць не менш за 50% беларускага статутнага капіталу;Індывідуальныя прадпрымальнікі, якія маюць пашпарты Рэспублікі Беларусь, зарэгістраваныя ў Еўразвязе не раней за жнівень 2020 года.
Намінацыі:
Некамерцыйная арганізацыя года
Прысуджаецца за выдатныя дасягненні і ўнёсак некамерцыйных арганізацый у рэалізацыю сваёй місіі, стварэнне станоўчага ўплыву на грамадства і эфектыўнае кіраванне рэсурсамі. Арганизацыя дэманструе пры гэтым стабільнасць, падтрымлівае добрыя адносіны са сваімі чальцамі, персаналам і валанцёрамі, а таксама ўжывае найлепшыя метады арганізацыі дзейнасці.
Сацыяльнае прадпрыемства года
Намінацыя закліканая адзначыць і заахвоціць арганізацыю, якая паспяхова спалучае сваю камерцыйную дзейнасць з вырашэннем сацыяльных праблем і прыносіць станоўчыя змены ў грамадстве, паляпшэнне жыцця людзей і навакольнага асяроддзя. Прысуджаецца кампаніі, якая прадэманстравала выключную прыхільнасць і поспех у інтэграцыі сацыяльных і экалагічных задач у сваю асноўную дзейнасць.
Інавацыйны бізнес года
Намінацыя закліканая адзначыць і заахвоціць кампанію, якая праяўляе выключную крэатыўнасць, вынаходлівасць і дальнабачнасць у сваёй сферы дзейнасці, ажыццяўляючы распрацоўку і ўкараненне інавацыйных ідэй, прадуктаў, паслуг, працэсаў або стратэгій, якія аказалі значны станоўчы ўплыў на арганізацыю, галіну або грамадства ў цэлым.
Брэнд года
Намінацыя вылучае і адзначае бізнес, які прадэманстраваў выдатныя дасягненні ў галіне стратэгіі брэндынгу, выключнае майстэрства і інавацыі ў кіраванні і развіцці брэнда, прыцягнення кліентаў і работнікаў. Гэтая намінацыя прызнае брэнд, які даказаў сваю ўнікальнасць, эфектыўна даносіць свае каштоўнасці, прынцыпы і прапановы, знаходзіць водгук, заслужыў давер і адданасць сваёй мэтавай аўдыторыі, захоўвае канкурэнтныя перавагі на рынку.
Найлепшы бізнес года
Гэтай прэстыжнай узнагародай уганароўваецца кампанія, якая паслядоўна дэманструе выбітнае лідарства, стратэгічнае бачанне, аперацыйную перавагу і значны станоўчы ўплыў на сваіх кліентаў, супрацоўнікаў і бізнес-супольнасць.
Для таго, каб прыняць удзел у IV Free Belarus Business Award, уважліва азнаёмцеся з умовамі ўдзелу і
Заяўкі будуць адбіраць і ацэньваць незалежныя міжнародныя бізнес-эксперты, прадстаўнікі розных абласцей эканомікі.
Пераможцы II Free Belarus Business Award не могуць удзельнічаць у IV Free Belarus Business Award згодна з рэгламентам конкурсу.
III Free Belarus Business Award Намінацыі:
Бізнес-лэдзі
Намінацыя "Бізнэс Лэдзі" закліканая адзначыць жанчын-лідарак, чые прадпрымальніцкія дасягненні і ўнёсак у бізнэс-супольнасць заслугоўваюць прызнання. Намінацыя заклікана падкрэсліць як асабісты поспех беларусак, так і ўнёсак у развіццё кампаній, якімі яны кіруюць, а таксама ў кіраванне бізнэс-працэсамі і стратэгічнымі аспектамі дзейнасці. Гэта намінацыя прызнае не толькі прафесійныя дасягненні, але і лідарскія якасці, якія натхняюць калегаў і супрацоўнікаў на падвышэнне актыўнасці ў дзелавым свеце. Гэта намінацыя таксама адзначае здольнасць удзельніц натхняць сваім прыкладам іншых жанчын на ажыццяўленне амбіцыйных высокіх мэтаў і інавацыйных ідэй ва ўсім свеце.
Арт-бізнес
Намінацыя "Арт-бізнэс" у рамках III Free Belarus Business Award заклікана адзначыць прадпрымальнікаў і кампаніі, якія ажыццяўляюць сваю дзейнасць у сферы культуры і забаваў ці задзейнічаюць якія-небудзь віды мастацтва і творчасці ў сваёй прафесійнай, камерцыйнай дзейнасці. У фокусе гэтай намінацыі - прадпрымальнікі і арганізацыі, якія выкарыстоўваюць мастацтва і творчасць як ключавы элемент сваіх тавараў ці паслуг. Удзельнікамі намінацыі могуць быць: галерэі, мастацкія агенцтвы, тэатры, культурніцкія цэнтры, музеі, крэатыўныя студыі, арт-праекты, інтэрактыўныя штучныя ўсталёўкі, медыя і забаўляльныя кампаніі і інш. Асноўнае патрабаванне для ўдзелу - значным элементам камерцыйнай дзейнасці з'яўляецца мастацтва ці творчасць.
Эка-бізнес
Намінацыя "Эка-бізнес" у рамках III Free Belarus Business Award заклікана адзначыць прадпрыемствы і прадпрымальнікаў, чыя дзейнасць арыентавана на садзейнічанне экалагічнай устойлівасці і ахове навакольнага асяроддзя. Гэта прадпрыемствы, якія імкнуцца не толькі да фінансавага поспеху, але і да выканання прынцыпаў экалагічнай адказнасці ў сваёй дзейнасці. Кандыдаты на намінацыю "Эка-бізнес" павінны прадэманстраваць падыходы да памяншэння негатыўнага ўздзеяння на навакольнае асяроддзе падчас вытворчасці, выкарыстанні рэсурсаў і рэалізацыі прадукцыі ці паслуг. Яны могуць укараняць эфектыўныя тэхналогіі, змяншаць выкіды забруджвальных рэчываў, паляпшаць сістэмы кіравання выкідамі ці прымаць іншыя меры, накіраваныя на рэалізацыю сваёй экалагічнай адказнасці і паляпшэнне экалагічнага становішча навакольнага асяроддзя.
Аб'яўленне пераможцаў III Free Belarus Business Award:
Пераможцы будуць абвешчаныя на афіцыйнай цырымоніі ўзнагароджання, якая прадэманструе прызнанне і нагляднасць выключных дасягненняў абраных бізнесаў, у верасні 2024 году, падчас IV Беларускага бізнес-форуму ў Варшаве.
Арганізатар
Спонсар
Каардынатары прэміі
Marina Girin
Па арганізацыйных пытаннях
Па пытаннях партнёрства
marina.girin@abbabusiness.org
+48 798 162 907
